SHBA_Tirana në datë 5 Maj realizoi ngjitje në 5 maja duke filluar shtegun në zonën e Lepushës. Nga Qafa e Bordolecit grupi mori drejtimin e Qafës së Jamës, jug-lindje, me synimin ngjitje në majat në zonën përreth.

“Pas 7.5 km marshim i gjithë grupi arriti në majën e Hotit dhe më pas ju drejtua majës së Nagvacit. Pamja nga maja e Nagvacit qe madhështore. Gjatë zbritjes u realizua edhe ngjitja në majën Brinja e Lisit që ishte edhe maja me itenerar më Teknik, sepse në disa pjesë kalohej në kufijtë e kacavarjes. Pasi gjithëshka shkoi shumë mirë dhe arritëm në Qafën e Jamës, vendosëm që kthimin ta realizonim nga shtegu që të ngjiste në majën e Berishdolit.

Më pas përshkruam gjithë kreshtën e Berishdolit dhe u ngjitëm edhe në majën e 5-të të këtij shtegëtimi, maja e Mridzit. Zbritjen e realizuam nga ana veri-lindore duke mbyllur intenerarin në formë qarkore në qafën e Bordolecit me 19 km marshim dhe 1630m disnivel. Ngjitja u realizua në një mot shumë të bukur, por herët në mengjes na shoqëruan edhe disa reshje fare të dobta.

Në këtë veprimtari morën pjesë 8 persona dhe të gjithë i realizuan ngjitjet për në maje. E gjithë veprimtaria zgjati 8 orë e 45 min”.

Pjesëmarrësit: Luan Xhoxhaj, Florjan Sini, Drini Teta, Kristi Shuli, Dhimitër Qirjazi, Dion Biça, Arif Biçoku, Detjon Skëndaj.

Ngjitja në Majën e Faqekuqit si edhe 2 majave të tjera të vargmalit të Ostrovicës u realizua nga shtegu që filon në rrugën midis fshatit Shtyllë dhe qafës së Martës. Intenerari nga qafë Marta ishte 10 km me 850m disnivel. Ngjitja u realizua në një mot shumë të bukur ku herë pas here na bënin hije retë.

Ngjitja në majën e 3-të e beri edhe më interesant aktivitetin për shkak të adrenalinës që të jepte lëvizja në kreshtë me ekspozim mesatar si dhe për faktin që ishte hera e parë që e tentuam dhe nuk kishim njohës të itenerarit. Zbritja u realizua nga ana jug-lindore. Në këtë aktivitet morën pjese 14 persona dhe të gjithë u ngjiten ne majat e synuara. I gjithë aktiviteti zgjati 5 orë.

Pjesëmarrësit: Elidjana Shehu, Skerdis Petrela, Dion Biça, Armand Bakalli, Shpëtim Shpëtimi, Olsi Belishta, Florjan Sini, Algent Bregu, Kristi Shuli, Dhimitër Qirjazi, dhe dy  anëtarë të rinj.